Правилната и здрава храна, секако, треба го обележи денот. Постои долг список на намирници кои ги „бара“ на нашиот организам, а овие се најосновните кои на сите ни се достапни.
Листест зелен зеленчук
Овој зеленчук би требало да се внесува во организмот што е можно почесто. Иако нутриционистите советуваат дека секојдневно треба да се консумира, сепак настојувајте да го јадете што е можно повеќе кога му е сезона. Зељето, блитвата, спанаќот нека бидат често на вашата чинија. Во овој зеленчук има фолати и витамини А и Ц кои помагаат во борбата против ракот. Само шолја барен зеленчук дневно може да биде добра превенција против дијабетес и висок крвен притисок.
Јаткасти плодови
Нутриционистите советуваат исхраната да ја збогатите со ортеви, бадеми, лешници, затоа што се исклучително богати со природни влакна. Влакната поволно влијаат на дигестивниот и процесот на варење, добра замена се за чипс и други нездрави грицки.
Кромид
Неколку студии покажале дека кога јадете кромид се намалуваат сите симптоми на астма и се намалува можноста да заболите од рак на желудникот. Ако не сакате да го јадете свеж, додајте го во јадењата. Колку е полут, толку неговото дејство е поизразено.
Житарки
Место бел ориз секогаш користете кафеав – тој има загубено помалку од своите нутритивни вредности за време на преработката. Исто така, ако приготвувате паста, нека биде од интегрални житарки. Ќе го намалите внесот на масти и калории.
Јогурт
Ако јогуртот е секојдневно на вашето мени, никогаш нема да имате проблеми со варењето. Ако не знаете кој да го одберете, бидејќи има многу на пазарот, проверете го составот. Оние јогурти кои во себе имаат активна култура, пробиотик и некои други влакна, тие би требало да бидат вашиот избор.
