Гомасиото или сусамова сол е неверојатен зачин кој му дава неодолив вкус на јадењето, а при тоа има лековити својства. Гомасиото ја заменува солта и при тоа на оброците им обезбедува дополнително количество на железо, селен, протеини, растителни влакна, калциум, магнезиум, витамин Е, витамин Б, фолна киселина, ниацин, рибофлавин, бакар, лигнан и сезамин.
Гомасио е мешавина од мелен сусам (сув, печен) и сол.
За подготовка во домашни услови потребни се само две состојки:
- ¼ чаша интегрален сусам
- 1 лажица морска сол или хималајска сол
Начин на подготовка:
На рингла во тава, ставете го сусамот, потоа намалете ја јачината и на тивко печете го сусамот 20 минути со постојано мешање. Откако ќе се испече (мал трик, ставете едно сусамово семе помеѓу палецот и показалецот, притиснете, ако пукне, тогаш знаете дека сусамот е испечен), тргнете ја тавата од рингла и оставете да се олади околу 10 минути. Оладениот сусам, ставете го во мелница, ставете ја и солта и мелете додека не се отвори сусамот. Но, внимавајте кога мелете, смесата не смее да биде како брашно. Можете да додадете и морски алги или други видови на семиња (лен, семки од тиква, сончоглед) што ќе го збогати вкусот на гомасиото. Вака подготвено се чува во стаклена тегла, добро затворена и на темно место.
ПРИДОБИВКИ
Сусамот е многу корисен, го заштитува црниот дроб, го намалува холестеролот и крвниот притисок, ги ублажува воспалителните процеси, ги намалува болките предизвикани од артритис и нападите предизвикани од астма, исто така, ги ублажува симптомите кои се појавуваат во периодот на менопауза и го зајакнува имунолошкиот систем. Тој е моќен антиоксидант и го штити организмот од некои видови карцином.
