Во споредба со лицата кои спијат седум до осум часа секоја вечер, лицата кои спијат помалку од шест часа имаат за 27% поголем ризик од развој на атеросклеротски наслаги надвор од коронарните артерии, укажуба нова студија.
Резултатите исто така покажале дека спиењето подолго од осум часа е поврзано со поголемо атеросклеротско оптоварување со многу посилна поврзаност кај жените, отколку кај мажите.
Треба да се спомене дека внесот на кофеин и на алкохол бил поголем кај испитаниците со пореметен и пократок сон.
Според истражувачите, лошиот квалитет на спиење е поврзан и со 34% поголема веројатност од субклиничка атеросклероза. Поради тоа, нагласуваат тие, добрата хигиена на спиење е важна за зачувување на кардиоваскуларното здравје.
Претходни истражувања укажуваат на силна поврзаност на лошиот сон со мозочниот удар, коронарни болести на срцето, смрт, дијабетес, хипертензија и дебелина.
