Стотици лица починале откако испиле метанол или средства за чистење на база на алкохол погрешно верувајќи дека тие производи ги штитат, односно лекуваат од новиот коронавирус.
Светската здравствена организација предупреди дека епидемијата на лажни вести односно “инфодемијата“ поврзана со КОВИД-19 се шири со еднаква брзина како и самиот вирус, а теориите на заговор, гласните и стигматизацијата на заболените допринеле за бројни повреди и смртни случаи кај луѓето.
“Многу жртви ги следеле советите кои наликувале на веродостојни здравствени совети – како тоа да се консумираат големи количини на лук и да се голтаат големи количини на витамини како начин на спречување на заразата. Други пак, консумирале и напиток како урина од крава“, наведуваат авторите на студијата.
Таквото однесување, предупредуваат истражувачите, може да има сериозни последици по здравјето на тие луѓе.
