Европски научици успеале да направат режим за жените, земајќи ги предвид биоритамот и работата на организмот.
5.00 – 6.00 – Идеално време за секс. Наутро е покорисно жените да уживаат во сексот во споредба со ноќните часови. Рано наутро доаѓа до значително ослободување на хормоните.
7.30 -8.00 – Појадок. Може дури да си дозволите и колач или пециво. Калориите од раниот појадок речиси целосно го хранат мозокот.
8.00 – 8.15 – Најсоодветно време за земање витамини. Но, не на празен стомак, во спротивно премногу брзо ќе ги обработите и ќе ги исфрлите преку урината.
8.30 – 10.00 – Излезете на свеж воздух, барем на тераса или одете на прошетка. Не е важно ако времето е облачно или врне снег: сончевите зраци и понатаму продираат низ облаците, а витаминот Д, кој е неопходен за добро расположение, коските и забите, се произведува во голема мера.
10.00 – 13.00 – Најпродуктивно време за работа. Сега е особено пожелно да се донесуваат одлуки. Левата хемисфера на мозокот е поактивна и е одговорна за логика и сметање.
13.00 – 13.30 – Оптимално време за ручек. Системот за варење работи со полна сила. Храната која се зема во ова време исправно се апсорбира, а телото ќе ги добие сите потребни елементи.
13.30 – 14.00 – Во ова време телото е најмалку чувствително на болки. Постои намалување на активностите на сите телесни системи. Ако е можно, ова време посветете го на мирна работа која не бара многу размислување.
15.00 – 16.00 – Прошетајте. Ова ќе ви овозможи да избегнете поспаност во наредните часови до вечерата. Или само одете по ходниците и скалите, ако живеете во зграда.
16.00 – 18.00 – Одлично време за спорт. Во ова време најголемо е производството на хормони и протеини кои го штитат срцето и мускулите од оштетувања. Тренинзите во ова време ќе бидат попродуктивни и помалку трауматични за телото.
18.00 – 19.00 – Добро време за пазарење и разговор со пријателите.
19.00 – 20.00 – Време за лесна вечера и чаша вино. Во овие моменти црниот дроб произведува најмногу ензими. Тоа му дозволува без многу напор да ги неутрализира негативните ефекти на алкохолот и да ја преработи пржената и мрсна храна.
21.30 -22.30 – Телото почнува активно да се подготвува за во кревет. Завршете ги сите домашни работи, искапете се. Еден час пред спиење нема телефонски повици, работа на компјутер. Избегнувајте било какви скандали. Часот пред заминување во кревет го одредува расположението и благосостојбата за наредниот ден.
