Истражувањето, во кое биле вклучени речиси 5 600 жени, кои никогаш немале дете и сакале да забременат, покажало дека консумирањето поголеми количини на овошје и намалување на консумацијата на брза храна може да ја подобри плодноста.
На жените кои јаделе овошје 1-3 пати месечно, им требало еден месец подолго да забременат од жените кои јаделе овошје три или повеќе пати на ден.
Исто така, на жените кои јаделе брза храна четири или повеќе пати неделно, им требало еден месец подолго да забременат за разлика од жените кои ретко или никогаш не консумирале брза храна.
Осум проценти од паровите во оваа студија биле класифицирани како неплодни, бидејќи им требало повеќе од една година да дојдат до бременост.
Резултатите од оваа студија покажале дека практицирањето здрава исхрана, која вклучува многу овошје и намалена консумација на брза храна, ја зголемува плодноста и го намалува времето кое е потребно за бременост, пишува „Human Reproduction“.
