Не чекајте подоцнежни години да почнете да се грижите за здравјето на коските т.е. активно да работите на превенција од остеопороза. Оваа болест доведува до намалување на густината на коските и ги прави подложни на фрактури. Повеќето заболени од остеопороза се жени, иако ни мажите не се поштедени од оваа болест.
Од клучна важност е низ исхраната да внесувате доволно калциум и витамин Д. Покрај млечните производи со калциум обилуваат и сувите смокви, бадемите, зелениот листест зеленчук, брокулата, бамјите, сардините, лососот и тофуто.
Храната збогатена со витамин Д, како и морската риба претставуваат добри извори на овој витамин. Важен е и внесот на магнезиум, калиум и витамин Ц, кои главно се наоѓаат во овшјето и зеленчукот и јаткастите плодови.
Од исхраната исфрлете ги газираните сокови и ограничете го внесот на алкохол кофеин и сол. Доколку сте пушач, потрудете се оваа навика да ја коригирате со оглед на тоа дека пушењето претставува сериозен фактор на ризик за остеопороза. И конечно, бавете се со физичка активност – одење, вежби на сила со сопствената тежина, јога и таи-чи бидејќи тие го поддржуваат здравјето на коските, го подобруваат држењето на телото и го намалуваат ризикот од падови.
