Да бидеме искрени, понекогаш вксуот на водата едноставно не го задоволува нашето непце, а ако и вие сакате да течноста што ја пиете има вкус, не посегајте по засладени газирани пијалаци и кафиња со шеќер. Не само што ќе го забави процесот на слабеење, туку ќе страда и вашето здравје. Но, нема причина за паника – постојат напивки кои што ќе ве задоволат, а со кои во организмот нема да внесете премногу калории.
Нутриционистите Бил Бредли и Аманда Лејн откриваат кои три напивки за нив се најдобра опција.
ЗЕЛЕН ЧАЈ
Кога станува збор за здрав пијалок кој ќе ја поттикне работата на метаболизамот, зелениот чај е можеби најдобрата опција. Не само што е богат со антиоксиданти и нема калории, тој е полн со здравствени придобивки за организмот, па затоа се смета за најдобар пијалок за лицата кои се на диета. Антиоксидантите содржани во него го забрзуваат разградувањето на мастите и го забрзуваат метаболизмот. Кофеинот во него ќе ви даде и енергија, па полесно ќе го направите секој тренинг. Содржи и антиинфламаторни својства кои помагаат во борбата против ракот.
ГАЗИРАНА ВОДА СО ВКУС
Уште една вкусна опција без калории за секој кој е на диета. Лејн советува да го изберете овој пијалок доколку броите калории бидејќи не ги содржи, а можете да го носите насекаде. Тоа е одлична опција за секој кој сака да пие многу вода, но им недостасува вкус во неа. Покрај тоа, денес има многу верзии и различни вкусови на вода, па нема да имате проблеми да го најдете највкусното за вас.
СОК ОД ЗЕЛЕНЧУК
Ако сакате сокови, наместо овошен, изберете сок од зеленчук, особено ако се обидувате да изгубите вишок килограми. “За разлика од овошните напивки, оној од зеленчукот не содржи шеќер, па затоа има помалку калории, но многу здравствени придобивки“, вели Бредли.
