Не јадете риба?! Еве како тоа влијае на мозокот?

Ова посебно се однесува на веганите и вегетаријанците, како и оние кои едноставно не сакаат риба и морски плодови (во тоа не се вбројуваат пржените лигњи со компирчиња и купечките филети од риба). Нутриционистката на Women's Health одговара како нејадењето риба влијае на нашиот мозок и неговите функции.

Што добиваме од рибата и зошто тоа е важно за нашиот организам?

Нутриционистката Кери Гласман им одговара на сите кои се загрижени дека мозокот не им работи доволно добро заради одбегнувањето риба и морски плодови, инаку есенцијален извор на омега-3 масни киселини и витамин Д, клучни во одржувањето на функциите на мозокот и телото.

„Не паничете“, вели Гласман. Одговорните вегани и вегетаријанци, оние кои внимаваат на исхраната и имаат разновиден режим, како и личностите кои живеат на некои делови од светот каде свежата риба е потешко да се набави овие нутритиенти најчесто ги добиваат од разните јаткасти плодови и семки.

Како да се надомести недостатокот на омега-3 и витамин Д?

Есенцијалните омега-3 масни киселини нашето тело не може да ги произведе само, па треба да се внесуваат со исхраната. Тие го контролираат расположението и менталните процеси, а помагаат и во превенцијата на некои болести на мозокот како Алцхајмеровата.

Освен тоа делуваат антивоспалително со што автоматски го штитат срцето од заболувања. Иако рибата е полна со овој нутритиент може да се внесе и преку оревите, лененото семе, чиата или преку додатоците во исхраната.

Витаминот Д, исто така, го регулира нашето расположение (инаку, сонцето е еден од главните извори на витамин Д – само сетете се како се чувствувате кога во текот на зимата не гледате ниту еден негов зрак), одмореноста, здравјето на коските и го штити имунитетот. Може да се најде во жолчките и млекото. Предноста на рибата е што само во една порција можеш да го внесеш сето она што е наведено. Дајте и шанса на рибата!

Обидете се повторно да ја ставите на вашето мени. Експериментирајте, пробувајте рецепти, барајте различни видови додека не ја одберете највкусната. Обидете се со неутрални риби како бранцин или ослиќ, а со лосос на скара дефинитивно нема да згрешите.