Метаболизмот опфаќа низа хемиски процеси кои влијаат на способноста на телото да ги претвори мастите, шеќерите и протеините во енергија. Брзиот метаболизам поефикасно произведува енергија, додека бавниот метаболизам тоа речиси и да не го прави – што резултира со таложење калории.
Освен обични постојат и нетипични симптоми за забавен метаболизам. На листата на типични се наоѓаат: вишок килограми, недостаток на либидо, вртоглавица, треперење, плиток здив , грчеви, слабост во мускулите, суви очи и зарипнатост.
Нетипични, пак, се: ладни раце и нозе, несоница, забавеност на движењата, говорот и мислите, трнење на рацете и нозете, сува кожа, отежнато голтање, губење на апетитот, главоболка, опаѓање на косата и влакненца, болки во мускулите и зглобовите, запек и слаб имунитет.
Доколку сакате да го забрзате метаболизмот фокусирајте се на тоа да се ослободите од стресот, да го стабилизирате распоредот на спиење и внесувајте доволно течности во организмот. Исто така, прапорачливо е да се воведе и секојдневно вежбање и да се зголеми мускулната маса, советуваат експертите. Освен тоа на чинијата нека има повеќе протеини, консумирајте зелен чај и зачинета храна.
