Долго време се зборува дека консумацијата на грав е добра за здравјето, но денес овој зеленчук добива уште поголема важност ако се земат предвид новите информации.
Гравот поседува исклучителна енергетска вредност и ги содржи речиси сите есенцијални аминокиселини. Научниците откриваат дека исхраната богата со грав може да го намали ризикот од срцеви заболувања и одредени видови на рак. Упатствата за здрава исхрана на САД од 2005 година препорачуваат доза од три шолји грав неделно.
Покрај извонредната енергетска вредност, гравот содржи и лецитин, калиум, калциум, железо, фосфор, магнезиум, цинк и натриум. Претставува одличен извор на протеини, а за разлика од другите извори, гравот има малку маснотии и не содржи заситени масти, како ни холестерол. Од витамини – одличен извор е на фолна киселина, витамин Б6, К, рибофлавин (Б2) и Б3.
Истражувачите од „Harvard School of Public Health“ велат дека жените кои консумираат грав најмалку двапати неделно имаат 24 проценти помалку шанси да развијат рак на дојка, срцеви заболувања, дијабетес тип 2, висок крвен притисок и рак на дебелото црево.
Асортиманот на фитохемикалии пронајдени во гравот ги штити клетките од рак и го забавува растот на туморот
- Гравот е добар извор на протеини, и за разлика од другите извори на протеини има малку масти.
- Една порција грав обезбедува 20 проценти од дневните потреби за влакна.
- Истражувањата покажале дека луѓето кои јадат грав добиваат повеќе од клучни хранливи материи од луѓето кои не консумираат грав.
Кои видови на грав се најздрави?
Научниците од државниот универзитет во американската држава Колорадо тестирале шест вообичаени видови на грав, кои можат да се најде на пазарот, и ја измериле количината на антиоксиданти во секој од нив. Тестирањето покажало дека црвениот, шарениот и темносиниот грав имале и до десет пати повеќе антиоксиданти и други лековити состојки отколку белиот и жолтиот грав, кои, пак, се многу позастапени на нашиот простор.
