НЕВРОЛОЗИТЕ ВЕЛАТ: КОВИД-19 може да влезе во мозокот преку носот

РНК и протеините на новиот коронавирус откриени се во мозокот и назофаринксот на починати пациенти. Во назофаринксот виле откриени и недопрени честички од вирусот. Највисоки нивоа на вирусна РНК пронајдени се во слузницата за мирис.

Новиот коронавирус SARS-CoV-2 може да влезе во мозокот на луѓето низ носот, сугерира истражување од направени обдукции објавено во Nature Neuroscience.  Ова откритие би можело да помогне во објаснувањето на некои невролошки симптоми воочени кај болните со КОВИД-19 и да послужи како дијагноза и мерка за спречување на инфекцијата.

SARS-CoV-2 не влијае само на респираторниот тракт, туку влијае и на централниот нервен систем (CNS), што резултира со невролошки симптоми како губење на мирис, губење на вкус, главоболки, замор и мачнини.

Иако, неодамнешни истражувања ја опишаа присутноста на вирусната РНК во мозокоти ликворот, останува нејасно каде вирусот влегува и како се дистрибуира во внатрешноста на мозокот.

Франк Хепнер и колегите го прегледале назофаринксот – горен дел од грлото кој се спојува со носната шуплина, веројатно прво место на вирусната инфекција и репликација, како и мозокот кај 33 пациенти кои починале од КОВИД-19. Прегледани биле двојно повеќе мажи отколку жени, а средната возраст во моментот била 71,6 години, а средно време од појавата на симптоми до смртта бил 31 ден.

Авторите откриле присутност на РНК и протеини на коронавирусот во мозокот и назофаринксот. Недопрени честички од вирусот биле откриени и во назофаринксот. Највисоки нивоа на вирусна РНК пронајдени се во слузницата за мирис.

Забележале дека траењето на болеста е во обратна корелација со количината на вирус што може да се открие, што укажува дека пронајдените повисоки нивоа на РНК на вирусот се во случаи на покусо траење на болеста.

Истражувачите исто така пронашле “шилестиот“ протеин на SARS-CoV-2 во одредени видови клетки внатре во мирисниот слузен слој, каде може да ја искористи близината на ендотелното и нервното ткиво за да влезе во мозокот.

Кај некои пациенти, шилестиот протеин на вирусот е пронајден во клетки кои изразуваат маркери на невроните, што упатува на тоа дека мирисните сензорни неврони може да бидат заразени, како и на подрачја на мозокот кои примаат сигнали за мирис и вкус.