Куркумата се смета за природен лек при многу заболувања. Обично се препорачува како алтернатива на стандардните лекови бидејќи е природна супстанција и предизвикува помалку несакани ефекти. Иако овие се валидни поени за куркумата, ова ги тера многу луѓе да го потценат нејзиниот ефект врз организмот. Едно истражување покажало дека куркумата всушност може да предизвика некои сериозни несакани ефекти ако се конусмира во високи дози или ако се користи во комбинација со други лекови.
Многу од компонентите што ја прават куркумата толку корисна се истите оние што се штетни ако се земаат во комбинација со одредени лекови. На пример, анти-тромботичната особина на куркумата која создава можност за редуцирање на згрутчувањата во крвта го прави овој природен лек опасен да се внесува во комбинација со лекови за разредување на крвта. Консумирањето куркума во комбинација со овие видови на лекови може да ги зајакне нивните ефекти и да го зголеми ризикот од крварење.
Друг вид на лекови кои не треба да се комбинираат со куркума се оние кои ја намалуваат стомачната киселина. Оваа комбинација може потенцијално да доведе до контра ефект и со тоа да се подигне нивото на киселините во желудникот, наместо да ги намали. Ваквата комбинација на лекови и на куркума ќе доведе до подуеност на стомакот, гадење, повраќање, гастроинтестинални заболувања, како и оштетување на хранопроводот.
Третиот вид лекови кои под никакви околности не треба да се мешаат со куркума се оние за контрола на нивото на шеќерот во крвта кај пациенти со дијабетес.
Не на последно место по важност, но докажано е дека куркумата може да доведе до алергиска реакција, ако се зема во високи дози, предизвикувајќи симптоми како отоци во абдоминалната регија, пречувствителност, осип и проблеми со дишењето.
