Температура, кашлица и малаксалост, па стомачни проблеми, губење на сетилото за мирис и вкус… Изминативе месеци постојано се зборува кои се првите симптоми на новиот коронавирус, но неодамна е откриен уште еден кој досега никој не го споменал.
Британското здружение на дерматолози ги анализирало симптомите пријавени преку апликацијата за самопроценка и утврдило дека проблемот со усните може да биде индикатор за новиот коронавирус.
Суви, болни и испукани усни може да бидат еден од најраните симптоми на КОВИД-19. Иако тоа можеби звучи нелогично, всушност има смисол. Еве што велат дерматолозите:
“За време на пандемијата стана јасно дека покрај главните симптоми, температура и кашлица, симптоми може да се развијат и на кожата. Извештаи од Кина, а потоа и од Европа покажаа дека коронавирус во 20 проценти од случаевите предизвикува симптоми на кожата, со оглед дека покренува многу имунолошки реакции, па не е чудно што е погодена и кожата. Усните може да бидат болни, суви или дури и да се лупат“, наведуваат епидемиолозите.
Но, само затоа што усните се суви не мора да значи дека имате коронавирус, потеницраат лекарите, особено во овој период од годината. Студеното време и ветерот може д доведат до слична појава. Но, ако забележите невообичаени промени на устата, консултирајте се со својот матичен лекар.
