Консумирањето кафе или чај непосредно пред спиење не влијае на квалитетот на сон, открило новото истражување спроведено на американскиот универзитет Флорида Атлантик и медицинскиот факултет Харвард. Авторите на истражувањето следеле 785 личности, вкупно 5164 дена и ноќи и бележеле колку кофеин, алкохол и никотин внесуваат. Тимот ја споредил нивната потрошувачка со резултатите од дневникот за спиење и сензорите за рачни зглобови кои го бележеле траењето на спиењето, ефикасноста на спиење и колку брзо се буделе луѓето.
Околу 40 отсто од членовите на оваа група консумирале кафе во текот на најмалку една ноќ за време на студијата, која во просек траела по шест ноќи по личност. Со анализа било утврдено дека никотинот и алкохолот го реметат сонот и дека испушена цигара во доцните часови го скратува спиењето за 42 минути, но дека кофеинот нема ефект.
Докторката Кристин Спадола од универзитетот Флорида Атлантик рекла дека оваа студија претставува едно од најголемите истражувања за вечерното консумирање алкохол, кофеин и никотин со објективно мерење на ефектите на сон.
„Не забележавме врска меѓу внесувањето кофеин во периодот до четири часа пред одењето во кревет и какви било параметри на сонот“, истакнала таа.
