Нутриционистката Челзи Амер тврди дека парче пица наутро би можело да претставува подобро балансиран појадок отколку повеќето житарки, затоа што содржи повеќе протеини, повеќе свежи состојки, како и помалку шеќер отколку купечките житарки! И покрај тоа што се рекламираат како идеална храна за појадок, на повеќето комерцијални житарки им недостасува прехранбена вредност и не содржат доволно протеини и здрави масти. Амер тврди дека пицата обезбедува силен баланс на протеински јаглехидрати и масти, за разлика од повеќето житарки кои содржат исто количество калории како и едно чоколатце.
„Можеби ќе се изненадите дека просечно парче пица и чинија житарки со полномасно млеко содржат речиси исто количество калории. Но пицата содржи многу повеќе протеини, кои ќе ви помогнат да бидете сити и да имате енергија во текот на претпладнето“, вели Амер и додава дека бројните засладени житарки воопшто не би можеле да се сметаат за составен дел од балансираната храна затоа што едноставно содржат премногу шеќер.
„Јас ги сакам житарките како и сите останати, но многу засладени житарки содржат калории колку и цело чоколатце. Но и не е баш најумно да се почне денот со многу шеќер“, рекла нутриционистката.
Едно неодамнешно истражување покажало дека шеќерот сочинува 35 проценти од состојките на некои популарни марки житарки. Освен ако не јадете „чисти“ житарки без додатоци, тие можат да предизвикаат нагло зголемување на шеќерот во крвта, што ослободува инсулин и ако тоа редовно се повторува, тоа не е добро за вашето тело”, вели нутриционистката Тами Лакатош Шејмс и додава: „Калориите брзо се таложат и брзо сте повторно гладни.“
Сепак, некои стручњаци лажат дека пицата баш и не е најздрава храна и дека не би требало да се јаде како појадок.
„Не би рекла дека одењето во пицерија е идеален оброк“, вели нутриционистката Венди Каплан. Но хранливите материи кои ги има во пицата, според неа, не можат да доминираат врз штетните состојки – преработени јаглехидрати, заситени масти и натриум.
„Количеството на калории и масти во пицата, исто така, зависи и од тоа кој и како ја прави, па така луѓето не знаат и колку сол консумираат”, предупредува Каплан.
„Сепак, ако самите правите пица користејќи брашно од житарки од цело зрно за тестото, и ако ја полните со зеленчук тогаш навистина би можело да се работи за здрав појадок”, пишува Дејли меил.
