Британската нутриционистка Ријанон Ламберт напоменува дека бананите, без разлика дали се зеленкасти или многу зрели, се одличен извор на калиум и други хранливи материи. Вели, дека не може да се каже дека еден тип е подобар од другиот, бидејќи секоја банана има некои предности, но и недостатоци, доколку луѓето имаат одредени здравствени проблеми.
Еве зошто некои луѓе бираат многу зрели со кафени дамки, додека други сакаат зелени банани.
Недоволно зрели банани
Содржат помалку шеќер и луѓето кои имаат дијабетес, би требало да ги бираат оние кои се зеленкасти. Имено, колку е бананата позрела, толку повеќе скробот во неа се претвора во шеќер. А токму скробот е одговорен за подолго чувство на ситост.
„Истражувањата покажуваат дека недоволно зрелите банани се составени од 80 до 90 проценти јаглехидрати, кои како што бананите зреат се претвораат во слободни шеќери. Затоа е подобро луѓето кои страдаат од дијабетес да јадат помалку зрели банани“, објаснува Ламберт.
Многу зрели банани
Полесно се варат и се подобра опција за луѓето кои имаат проблеми со варењето на храната.
„Недоволно зрелите банани го содржат споменатиот резистентен скроб, кој луѓето не можат да го сварат. Тоа е тип на скробен материјал со кој бактериите сакаат да се хранат“, вели Никола Џилит, директор на институтот „Dole Nutrition“, кој се занимава со истражувања поврзани со исхраната.
„Кога скробот се менува во едноставен шеќер, а бананата станува позрела, така станува и полесна за варење за просечниот човек“, додава Ламберт.
Всушност, експертите велат дека колку е потемна бананата, односно има повеќе темни дамки, толку е поздрава за нашето тело, бидејќи е богата со голема количина на витамини Б и Ц, содржи калиум и антиоксиданти.
Кафени банани со темни дамки
Преполни се со антиоксиданти! Кога бананите се речиси кафени или комплетно кафени, тие се во принцип полни со шеќер кој настанал од скробот. Послатки се поради што многу луѓе ги користат во подготовката на колачи. Исто така, хлорофилот во нив попримил нов облик.
„Токму ова разградување на хлорофилот е причина зошто нивото на антиоксиданти се зголемува колку што се бананите постари. Кафената банана е антиоксидантна електрана, се вели во написот објавен од Универзитетот „Spoon“.
