Премногу сте скромни и тешко ги примате комплиментите? Во продолжение, прочитајте кои пет реченици треба да ги одбегнувате следниот пат кога некој ќе ви упати убав збор.
- Навистина?!
Кога барате дополнителен комплимент, испраќате порака дека не сте сигурни во она што го работите. Верувајте дека сте ја заслужиле вашата пофалба и притоа немојте веднаш да спомнувате некоја негативнаст за себе, на пример, некоја грешка или пропуст. Секогаш реагирајте исто на комплимент. Насмевнете се и кажете „благодарам“.
- Ама, тоа не е вистина
Кога некој ќе ве потсети дека сте супер, тоа е како пријателски подарок кој е тешко да се одбие. Ако не знаете како да реагирате или го минимизирате комплиментот, тогаш на другата личност и испраќате порака дека не ја почитувате нејзината проценка и мислење кои ви ги дала. Со негирање на упатениот комплимент како да кажувате „вие не сте во право“, наместо „благодарам“.
- Само го следев рецептот
Иако најрадо веднаш би преминале на друга тема на разговор, бидете свесни за вашите квалитети. Комплиментот е потсетник на нешто што сте го направиле добро и треба да научите да го примите со насмевка на лицето.
Ако комплиментот е на сметка на вашето готвење, сигурно сте потрошиле време на проучување на рецептот и начинот на кој се подготвува за да направите убаво јадење. Примете ги заслугите за вашиот напор, наместо да го намалувате својот успех.
Бидете свесни за вашите квалитети
- Моите деца не се однесуваат ни приближно убаво како твоите
Одолејте му на поривот веднаш да вклучите убав збор во непријатни ситуации. Тоа може да звучи неискрено. На комплимент реагирајте природно, а немојте да го споделувате автоматски за да го пренасочите вниманието од себе.
- Непотребно зборување
Ако на вечера некој ви упати комплимент дека лесно склопувате пријателства, бидејќи сте многу комуникативни и симпатични, а вие само продолжувате да брборите нешто, тоа може да алудира на фактот дека мислите дека не го заслужувате комплиментот. Не кажувајте изобилство други зборови во тој момент, туку едноставно заблагодарете се на комплиментот.
