Неговата моќ е огромна: Зошто е добро да јадете грејпфрут?

Освен што има висока содржина на витамин Ц, исклучително е богат и со други хранливи материи, кои носат големи здравствени предности. Бидете внимателни со неговата консумација доколку земате лекови

Иако е откриен во далечниот 18 век, неговата популарност не губи од својот сјај. Првиот грејпфрут бил пронајден на Карибите, поточно на Барбадос, а најголемиот производител на грејпфрут денеска е Флорида. Станува збор за намирница, која се смета за едно од најздравите овошја во светот, од кое се добиваат и етерични масла кои се користат во производството на парфеми и освежувачи на воздух.

Грејпфрутот може да поттикне побрзо согорување на мастите

Освен што има висок процент на витамин Ц, исклучително е богат и со други хранливи состојки, како што се ликопен, влакна, фосфор, магнезиум, железо и многу други, што, секако, го сврстува грејпфрутот меѓу најпосакуваните намирници во исхраната. Исто така, многу студии кои се досега направени докажале дека грејпфрутот е идеален за губење на тежината и за одржување на младешки изглед, а позитивно влијае и на ослободувањето од замор и зајакнување на имунитетот.

                                                                                             Губење на вишок на килограми 

Со редовно вежбање, грејпфрутот може да поттикне побрзо согорување на мастите, а неговиот мирис докажано го намалува апетитот, бидејќи делува на ензимите на црниот дроб, така што ја намалува желбата за храна. Исто така, грејпфрутот подолго време ќе ве држи сити што го прави идеална намирница во време кога ќе одлучите да внимавате на вашата исхрана.

Поубава кожа

Грејпфрутот изобилува со витамин Ц, кој го поттикнува производството на колаген во кожата и ја прави поубава и еластична, а е одличен и во борбата против првутот и акните, делува благотворно на несовршеностите на кожата. Ова е причината и зошто често го наоѓаме во многу козметички препарати за кожа.

Го чува здравјето

Грејпфрутот се смета за магична намирница бидејќи влијае на многу работи поврзани со здравјето на луѓето. Корисен е во лекувањето на тегоби врзани со високо ниво на холестерол и помага во борбата против повеќе видови на рак. Некои студии укажуваат дека лимоноидот, состојка со која изобилува грејпфрутот, дури може да спречи и формирање на тумори.


  • И покрај сите овие придобивки по здравјето, при консумацијата на грејпфрутот мора да се биде многу внимателен, бидејќи грејпфрутот не смее да се комбинира со одредени лекови. Затоа пред да го вметнете во своето секојдневно мени, а доколку пиете лекови, задолжително консултирајте се својот лекар.