Сигурно барем еднаш со блага љубомора сте ја гледале вашата пријателка слаба како соленка како без проблем јаде втор хамбургер по ред, а вие очајувате бидејќи и тој едниот ќе ви се залепи директно на колковите. Причината зошто некои луѓе се склони кон дебелеење лежи во генетиката – од една страна тука е генетски предиспонирана телесна градба, од друга страна брзината на метаболизмот.
Пресметката е едноставна. Метаболизмот означува група на хемиски процеси кои се одвиваат во организмот за да се одржи во живот. Поради нив, организмот расте, се размножува и може да ја одржува својата структура. Но, брзината со која се одвиваат тие процеси влијае, меѓу другото, и на нашата телесна тежина.
Лицата со побрз метаболизам побрзо ќе ги искористат сите внесени калории во организмот и тие калории нема да се складираат во форма на масни перничиња.
Добра вест е дека и покрај генетиката, брзината на метаболизмот може да се поттикне со консумирање на одредени намирници и физичка активност. Овие се начините кои ќе ви го префрлат метаболизмот во поголема брзина.
- Пијте доволно вода
Знаеме дека ова веќе го знаете, но не е на одмет да се повтори. Внесувањето на минимално 2 литри вода дневно, ќе го забрза вашиот метаболизам, но прави чуда и за вашата коса и кожа.
- Редовно вежбање
За жал, без труд нема успех, а метаболизмот не толерира мрзеливи луѓе. Освен аеробни вежби со кои согорувате калории, потребно е во тренирањето да вброите и вежби за градење мускулна маса, оти мускулите во состојба на мирување трошат повеќе калории и така одржуваат идеална телесна тежина.
Јадете малку и често
Малите, но чести оброци му помагата на метаболизот да остане во поголема брзина. Преголема пауза помеѓу оброците го забавува, оти телото настојува да го компензира недоволното “гориво“ кое му е потребно за нормално функционирање. Ваквиот начин на исхрана не делува на кратки патеки, но ако ви стане стил на живот, резултатите и тоа како ќе бидат видливи.
- Не се изгладнувајте
Принципот е ист како и за претходниот совет. Кога не ајдете, метаболизмот се паничи, па се забавува сакајќи да ја заштеди секоја калорија.
- Појадувајте
Исто така познат совет, но ако појадокот го внесете во вашата дневна рутина, со тек на време, метаболзимот ќе се забрза за 10%.
- Опуштете се
Изложеноста на стрес може да предизвика зголемување на телесната тежина затоа што физичкиот и емоционалниот стрес го активира ослободувањето на кортизол, стероид кој го забавува метаболизмот. Затоа дишете длабоко, бидете смирени и дозволете си да се опуштите по стресниот ден што е можно почесто.
- Скратете го внесот на транс масти
Транс мастите се индустриски добиени масти кои телото не е во состојба да ги препознае, па така и да не ги обработи. Покрај тоа што се нездрави, тие го забавуваат вашиот метаболизам поради нивниот изменет молекуларен состав.
