Она што треба да се има на ум е дека секое слабеење, односно симнување килограми кое подразбира повеќе од 1-2 килограми во текот на еден месец веќе не е здраво и може да предизвика низа проблеми и нарушувања. За да почнете да гледате резултати почнете да ги менувате прехранбените навики, а тоа значи пијте многу течности, најдобро вода, и незасладени чаеви. Наутро внесувајтете здрави јаглехидрати; ручекот комбинирајте го избалансирано, со јаглехидрати, белковини и масти; а вечерата обидете се да ја изедете најдоцна до 19 часот, и тогаш најдобро е да комбинирате белковини со зеленчук.
Не заборавајте да внесете и некоја физичка активност во секојдневната рутина, попладне обидете се барем да пешачите, само така ќе го забрзате метаболизмот.
На што уште треба да обрнете внимание:
- Интегралните печива подолго држат сити од белите;
- Месо консумирајте 2-3 пати неделно;
- Јадете полека и убаво џвакајте ја храната;
- Избегнувајте алкохолни пијалаци, бидејќи се преполни со скриени шеќери и калории.
Совет плус: Не морате да броите калории и да се мерите секој ден. Најважно е да сте сигурни дека планот на исхраната ви е избалансиран.
