Откриено што точно се случува со градите – зошто кога се слабее се менува и нивната големина!?

Кога се слабее не се менува само, на пример, обемот на половината, туку промени се забележуваат и кај градите. Анџела Фич од Центарот за слабеење на Универзитетот во Синсинати објаснува што точно се случува со овој дел од женското тело.

Голема количина од градите отпаѓа на масното ткиво, а тоа значи кога жената ќе се здебели овие клетки се шират, и така доаѓа до зголемување на обемот на градите; кога килограмите се намалуваат и овие клетки се намалуваат, и така се намалува обемот на градите. Дали градите ќе се намалат ако загубите на тежина зависи од количината и дистрибуцијата на масното ткиво што го имате. Таквите статистички податоци може да се дознаат преку мамограм. Градите многу откриваат за телото како целина, односно нивната големина кажува многу за телесната тежина. Жените кои имаат поголеми гради може да имаат поголем индекс на телесна маса – тие тежат повеќе и имаат повеќе масно ткиво.

Колагенот и еластинот се две работи што го поддржуваат ткивото на градите. Кога доаѓа до губење на тежината, колагенот и еластинот се распаѓаат, што резултира со „издишани“ гради. Најлошо е кога тежината варира повеќе пати за кус временски период. Затоа е важно тежината да се спушта бавно и стабилно, така давајќи му на телото време и можност да се прилагоди. Она на што треба да се внимава, исто така, е да не се носи градник постојано. И за крај, ако веќе силно сте решиле да ослабете не користете програма за губење на тежината која е насочена само кон губење масти без да се надоместува мускулно ткиво.

Имајте на ум дека секогаш кога ќе решите да намалите килограми, треба да бидете сигурни дека вежбате со тежина или отпор за да се зголемат пекторалните мускули кои во основа и ги држат градите исправени. Кардио вежбите, секако, помагаат да се постигне целта за согорување на масти, но вежбањето со тегови го зголемува метаболизмот и ги зајакнува мускулите и затоа се препорачува при придржување кон режими на исхрана направени за намалување на телесната тежина.