СЗО наведува дека во последните 24 часа се забележани 106.000 новозаболени од КОВИД-19, што е најголем број во еден ден од почетокот на избивање на коронавирусот.
“Пред нас е се уште долг пат“, изјави директорот на СЗО, Тедрос Аданом Гебрејесус на конференцијата за медиумите.
“Многу сме загрижени поради порастот на бројот на случаеви во земјите со ниски и средни доходи“, рече Гебрејесус.
Директорот на СЗО за вонредни ситуации, Мајк Рајан предупреди дека наскоро ќе се достигне “трагичната граница од пет милиони случаи„.
Тој на пред конференцијата ги советуваше луѓето да избегнуваат земање на своја рака на лекот против маларија и за секој проблем да побараат стручна помош.
