Ова е причината зошто ракот на панкреас толку тешко се открива и лекува

Кога се работи за карцином кој има една од највисоките стапки на смртност, превенцијата и раната дијагноза се најважни.

Зошто е тешко да се открие во рана фаза?

Причината е положбата на овој орган кој се наоѓа на такво место да е тешко да се открие со “случаен“ преглед, а симптомите се такви да луѓето често ги игнорираат.

Според податоците на американскиот Национален институт за рак, само два проценти од луѓето ќе добијат и дијагноза, а најчесто се јавува кај лица над 60 години – иако е забележана појавност и кај лица помлади од 30 години.

РИЗИК ФАКТОРИ

Станува збор за упорен и опасен противник, а за тоа говори и податокот дека е трета водечка причина за смртност во САД со стапка на преживување од само девет проценти, тврдат во Pancreatic Cancer Action Network (PanCan).

Напредува брзо, во еден дел поради местото на кое се наоѓа – длабоко во стомачната шуплина, и близу до сите витални органи.

Оваа жлезда произведува ензими кои ја помагаат дигестијата и на хормоните при контрола на нивото на шеќер. Кога на панкреасот ќе се создаде тумор, лесно се шири по останатите органи.

“Клетките на ракот на панкреас се исклучително отпорни и агресивни. Дури и малите тумори може да се прошират на останатите органи пред воопшто да се постави дијганозата на болеста“, истакнува д-р Тимоти Донахју, онколог и професор по хирургија на Универзитетот UCLA.

Според збровите на стручњаците, ризик факторите за развој на оваа агресивна болест се дијабетес, хронично воспаление на панкреасот, пушење, возраста, дебелина и исхрана која во поголем процент се состои од црвено и процесуирано месо.

“Раните симптоми на ракот на панкреасот може да бидат благи и често се сметаат за недоволно сериозни за да се отиде на лекар“, наведува д-р Донахју.

Листата на симптоми вклучува:

  • Болка во грбот
  • Намалување на телесната тежина
  • Губење на апетит
  • Мачнина
  • Жолтило на кожата