Се чини дека нема крај на КОВИД-19, а особено по појавата на високо заразниот сој омикрон, како и најновата појава на неговата подваријанта ВА.2. Маски, дистанца и постојано миење на рацете и натаму остануваат на сила и стручњаците предупредуваат дека моментално не е време за промени. Д-р Гвен Марфи, епидемиолог, предупредува кои места и понатаму треба да се избегнуваат за да се превенира ширење на вирусот.
ГУЖВИ
“Коронавирусот многу лесно се шири и додека најсигурниот начин на инфекција е токму контакт кој е заразен, знаеме дека можете да се инфицирате и од оние кои не покажуваат никакви симптоми“, истакнува лекарот. Всушност најзаразни се лицата кај кои се уште не се развиле симптоми, вирусот се шири по капков пат од носот или устата на заразеното лице кога зборува или кива. Вие лесно може да се заразите ако ги вдишите тие капки.
РАЗГОВОР
Според зборовите на д-р Марфи, ако сте доволно блиску до лице кое нешто ви зборува, а сега веќе може да претпоставите и дека лицето лицето е заразено, капките кои ги спомена лесно може да влезат во вашиот организам. Со носењето маска тоа може да го спречите и да ги намалите шансите да се заразите, но тие целосно не ве штитат од вирусот. Значи, посочува лекарот, попаметно е малку да се оддалечите од лицето со кое разговарате.
ЗАТВОРЕНИ ПРОСТОРИ
Доволно е да замислите замаглени прозорци во автомобилот кога со везоите во него во зима, а потоа таа слика да ја префрлите во една просторија каде се наоѓаат многу луѓе и каде прозорците не се отворени. Станува јасно колку лесно може да го вдишиме вирусот – особено ако лицето не знае дека е заразено.
Обидете се дружењата да ги сведете на отворен простор за да се заштитите себеси и другите. Исто така и логично е да е потребно да се тестирате за болеста пред големи собирања, особено ако се присунти оние кои можеби не се вакцинирани. Ако знаете дека сите околу вас имаат потврда за вакцинација, сигурно ќе се чувствувате подобро и помали се шансите да се заразите. Ако користите домашен брз тест, потребно е да направите два, едниот, еден ден пред случувањето и едниот на самиот ден. ПЦР тест треба да се направи неколку дена порано, бидејќи детектира пониско нивоа на вирусот.
ЗОШТО ОМИКРОН Е ТОЛКУ ЗАРАЗЕН?
“Омикрон за разлика од претходните варијанти се базира на горните дишни патишта, а со самото тоа и полесно се шири. Се проценува дека делта варијантата е околу 40% поинфективна од алфа варијантата, а со оглед дека алфа варијантата е околу 50% поинфективна од изворната варијанта на вирусот, значи дека делта е двојно поинфективна од т.н. вухански тип на вирусот“, објаснуваат лекарите.
