Ако имате засилено чувство на жед, често мокрите, добро јадете, а килограмите како да се топат, лесно се заморувате, треба да се посоветувате со матичниот лекар, оти наведените симптоми укажуваат на дијабетес.
На шеќерна болест треба да се посомнева и ако изненадно се јават и:
- Нагласена потреба за храна
- Замор и исцрпеност
- Заматен вид
- Трнки во стапалата
- Бавно зараснување на раните и инфекции
За болеста на време да се открие и правилно се лекува, стручњаците препорачуваат лицата над 40 години декоја година да прават систематски преглед кој опфаќа и контрола на шеќерот, холестеролот и крвниот притисок. Ова е важно, оти дијабетесот е болест која не боли.
Исто така, стручњаците потсетуваат дека со намалување на прекумерната телесна тежина за само 10 проценти, се намалува и ризикот за појава на дијабетес за 50%, се редуцира крвниот притисок за 10 mmHg и вкупниот холестерол за 10%.
