Овие намирници го ублажуваат стресот и ја намалуваат нервозата

Постојат бројни начини за борба против стресот, некои може да ги практикувате, додека на некои немате влијание.

Стресот е еден од најголемите непријатели на човечкиот организам, а во денешно време е сеприсутен. Постојат бројни начини за борба против стресот, некои може да ги практикувате, додека на некои немате влијание.

Меѓутоа, она што веднаш можете да го направите е да обрнете внимание на тоа каква храна консумирате, бидејќи одредени намирници го ублажуваат стресот, додека други го интензивираат.

Познато е дека кофеинот делува стимулативно на расположението и дека ја засилува активноста на допаминот, но преголемите количини штетно делуваат на организмот, особено во комбинација со шеќерот. Темното чоколадо, на пример, е добар избор, бидејќи го стопира стресот.

Освен тоа, сувото овошје како грозје, смокви, кајсии и сливи добро делуваат на расположението. Ова овошје е полно со витамини, минерали и хранливи материи, му ја дава на телото потребната енергија и делува смирувачки.

Медот и матичниот млеч исто така поволно делуваат на организмот, тие се ефикасен сојузник во борбата против заморот и стресот, а познато е дека производите што ги прават пчелите поттикнуваат обновување на клетките.

Боровинките се богати со витамини, минерали и антиоксиданти, благодарение на кои телото на вистински начин се бори против стресот.

Темното чоколадо ослободува ендорфини или хормони за задоволство во мозокот и го намалува кортизолот, главниот хормон на стресот во телото.

Црвената пиперка изобилува со состојки кои помагаат да се намали анксиозноста. Го штити организмот од последиците на стресот, ја ублажува несоницата, лошото расположение и летаргијата.

Витаминот Б6 учествува во производството на хормоните за спиење, мелатонин, но и серотонин, хормонот на среќата, па затоа пиперката освен вкусен оброк ќе биде и доза на релаксација во напорниот ден.