Високиот крвен притисок (хипертензија) претставува фактор ризик за срцеви заболувања, мозочен удар, болести на бубрезите и други тегоби. Редовното бавење со физички активности, како и соодветната исхрана, богата со одредени намирници, може да помогнат во регулирањето на крвниот притисок. За кои намирници станува збор?
Зелениот листест зеленчук (зелена салата, блитва, спанаќ, рукола, кељ) и бананите се полни со калиум кој им помага на бубрезите да го елиминираат вишокот натриум преку урината и на тој начин се намалува притисокот.
Цвеклото содржи нитрати кои ги опуштаат крвните садови што доведува до намалување на крвниот притисок.
Зрнестото овошје е богато со флавоноиди за кои истражувањата покажале дека помагаат во превенцијата и ублажувањето на хипертензијата.
Калинката докажано го намалува притисокот. Само една чаша сок од калинка на дневно ниво може да биде од голема помош.
Масната риба (скуша, туна, лосос, сардини) и маслиновото масло претставуваат одличен извор на омега-3 масни киселини кои го регулираат нивото на липиди во крвта и можат да го намалат крвниот притисок.
Семките од сончоглед и тиква се полни со магнезиум и калиум за кои е докажано дека помагаат во регулирањето на притисокот.
