Лицата кои консумираат поголема количина на овошје и зеленчук во средниот животен период имаат поголема веројатност да ги зачуваат своите когнитивни способности во староста, укажува студија во која учествувале 27.800 испитаници со просечна возраст од 51 година.
Резултатите од истражувањето покажале дека зелениот лиснат зеленчук, бобинките и сокот од портокал најмногу допринесуваат за зачувување на когнитивните функции.
Се смета дека за овој заштитен ефект се заслужни антиоксидантите и биоактивните хранливи состојки во споменатите намирници.
Резултатите од оваа студија нудат и дополнителни докази дека изборот на храна е важен за зачувување на здравјето на мозокот.
