Македонија е земја на сонцето. Летните температури знаат да се качат многу високо, и патувањето да ви го направат непријатно. Чекањето на граничните преминии исто така може да биде стресно и променливо, и да влијае врз вашето здравје и расположение. Менувањето на температурите за дваесетина степени надвор и во автомобилот, авионот или автобусот може да предизвика разни тегоби на организмот, настинки, но и посериозни состојби. Затоа бидете подготвени!
Високите температури и одморите во текот на летниот период дополнително го оптоваруваат сообраќајот и влијаат врз однесувањето на возачите во сообраќајот. Со малку планирање и подготовка може да се стигне безбедно до саканата дестинација.
Летото е период кога сите се подготвуваат да заминат на одмор, на планина, море, езеро, да се посетат интересни места во други држави итн. Главна одлика на летото се високите температури и тие се нешто најнепосакуваното за секој што е во автомобил. Но и ова патување може да се претвори во уживање. Ако одлучите да патувате со автомобил, еве неколку совети што ќе ви бидат од голема корист.
Прво што ви паѓа на памет кога треба да седнете во автомобил изложен на сонце е да го вклучите клима-уредот. Секако, со тоа ќе се подобри состојбата во делот за патници, но внимавајте со нагодувањето. Задолжително мора да се внимава на нагодувањето на температурата во автомобилот во однос на надворешната, затоа што преголемата температурна разлика при излегувањето од возилото кај чувствителните лица може да предизвика температурен шок и сериозни нарушувања во организмот. Оваа состојба може да се спореди со сончањето на плажа и влегувањето во вода. Поради тоа клима-уредот треба да се нагоди на околу +29 С степени. Најпрепорачливо е температурната разлика во возилото и надвор да не биде поголема од 8 С степени. На пример, ако надвор е + 38 С степени, климата да биде пуштена на + 30 С степени.
Возете технички исправно возило
Кога патувате на подолга релација техничката исправност на возилото може да ви заштеди многу нервози и компликации,а често да ви го спаси и животот.
Возете одморени
Заморот е една од главните причини за сообраќајните несреќи во периодот на годишните одмори. Не се преценувајте, одморете секогаш кога има потреба.
Почитувајте ја сообраќајната сигнализација
Сообраќајните знаци и хоризонталната сигнализација се поставени да овозможат безбедно одвивање на сообраќајот. Почитувајте ги за ваша бебезбедност.
Почитувајте го ограничувањето на брзината
Преголемата брзина на возење е најголемиот причинител за сообраќајни несреќи со трагични последици. Не брзајте, стигнете живи и здрави на вашата цел. на вашата цел.
Внимавајте на високите температури
Топлото време предизвикува низа здравствен тегоби. Информирајте се пред да тргнете на пат за да знаете како да постапите во случај на потреба.
Добро е автомобилот да биде под сенка пред да тргнете. Кога ќе почувствувате дека ви станува мачно да возите на жешкото сонце, побарајте место за одмор во сенка. Избегнувајте да возите во периодот од денот кога температурите се највисоки. Препорачливо е да не пиете вода од чешма во местото на престој за да избегнете стомачни проблеми. Не јадете кечап и мајонез, кои се најподложни на расипување, разни преработки, салами и слично, туку салати и малку тестенини. Спакувајте се навреме, два дена однапред за да не си создавате нервози. Не дозволувајте топлото време да ви го наруши расположението за време на патувањето и да ве направи нервозни. Применете ги советите и уживајте во патувањето. Почитувајте ја сигнализација и внимавајте на брзината.
