Пченична трева – зелено злато од природата

Старите Кинези ја користеле тревата од пченица за чистење на крвта бидејќи ги врзува за себе тешките метали како што е живата и ги отстранува од организмот. Бенефитите на младите зелени листови на пченица ги препознале уште старите Египќани, а нешто подоцна Грците, па и Римјаните, за што постојат и записи за примена во медицината.

Сок од пченичната трева со добра причина се нарекува зелено злато на здравјето бидејќи обилува со високи нутритивни вредности. Овој волшебен еликсир богат е со антиоксиданти, хлорофил, витамини и минерали. Сокот  е посебно ценет  поради високата содржина на хлорофил. Многу различни студии и лабораториски експерименти во последните децении, покажале дека хлорофилот е терапевтски тоник за различни заболувања.

Хлорофилот делува како црвените крвни зрнца и помага во чистењето на артериите. Хранливите материи и кислородот што ги содржи хлорофилот, помагаат во детоксикацијата и отстранувањето на токсините од организмот. Сок од пченичната трева е темел на многу природни третмани затоа што има извонредни својства во регенерацијата на телото.

Пченична трева – над 15 лековити својства

  • Еден од најбогатите извори на витамините А и Ц;
  • Содржи балансиран спектар на витамини Б, вклучувајќи го и витаминот Б17 кој помага кај селективното уништување на одредени клетки на рак без оштетување на здравите клетки;
  • Содржи калциум, фосфор, магнезиум, натриум и калиум во урамнотежени количества;
  • Извор е на органско железо што доведува до подобра циркулација;
  • Најефикасен е облик на терапија со хлорофил;
  • Помага во намалување на покачениот крвен притисок;
  • Го зголемува бројот на црвените крвни зрнца и ја чисти крвта;
  • Го чисти црниот дроб;
  • Помага за побрзо заздравување на раните;
  • Помага при елиминирање на токсините од крвта;
  • Помага при слабеење;
  • Го намалува опаѓањето на косата;
  • Помага при проблеми со желудникот;
  • Го зајакнува имунитетот и ја зголемува енергијата;
  • Ја намалува киселоста на организмот.

Со оглед дека пченичната трева е силен чистач на организмот, можеби по консумирањето на сокот ќе се чувствувате лошо. Тоа е реакција на токсините кои почнале да се исфрлуваат од телото. Ова реакција трае само неколку дена. Па затоа се препорачува да се почне со мала количина, а потоа постепено да се зголемува. Препорачано е да се пие 30 милилитри два пати дневно.

Сокот има силен вкус кој на многу луѓе не им се допаѓа. Затоа е најдобро да се комбинира со лимон, портокал или грејпфрут. Кога ќе се подготви треба да се испие во рок од 15 минути бидејќи брзо ги губи своите својства. Најдобро е пченицата да се одгледува во земја и да се зема непосредно пред консумирањето. За цедење на сокот можете да користете соковник или блендер и да додадете вода.

ПОВРЗАНИ НАПИСИПОВЕЌЕ ОД АВТОРОТ