Печурките се „квалификуваат“ како една од најпотценетите намирници. Иако постојат многу видови кои се приготвуваат на различни начини, ако некој ве праша да наведете пет здрави намирници, печурките сигурно нема да ви паднат на памет. А би требало. Еве зошто е добро да се јадат печурки:
Немаат многу калории
Постојат многу видови печурки кои се јадат, а просечната калориска вредност на 100 г е триесетина калории. Шампињоните, на пример, имаат 26 калории; вргањот 25… Сувите печурки имаат нешто повеќе – 313 калории на 100 г. Освен тоа имаат до 0,5 отсто масти, доста влакна, два отсто белковини и околу 4 отсто јаглехидрати. Остатокот оди на вода.
Студија од 2017 година покажала дека гладот можат да го „убијат“ скоро како и месото, па ако сакате да одржите здрава телесна тежина или да ослабете, печурките се одличен избор, пишува Medical Daily.
Ги ублажуваат воспалителните процеси
Благодарение на високото количество антиоксиданти како што се ерготионеинот и селенот, ги облажуваат воспалителните процеси во организмот. Затоа се важни во исхраната на личностите кои патат од автоимуни болести кои ги следат воспалителните процеси, како што се мултипла склерозата, ревматоиден артртитис и лупус.
Добри се за коските
Една порција од варени печурки задоволува третина од дневните потреби за бакар, есенцијален минерал кој ни е неопходен за здрави коски. Освен тоа одличен извор се на витамин Д, кој е важен затоа што му овозможува на телото да го искористи калциумот од намирниците.
Ризница од витамини и минерали
Печурките се особено важни за личностите кои не јадат многу месо или не го јадат воопшто. Добар извор се на железо, селен, бакар, фосфор и калиум. Освен тоа имаат и висока содржина на витамини од Б групата.
