Болките во мускулите, како и болките предизвикани од ревматски артритис може да се ублажат со „пиво од ѓумбир“, а, исто така, овој напиток е ефикасен и при појава на симптоми на настинка и грип. Корисен е и за подобрување на циркулацијата и спречување на создавање на рак. Ѓумбирот содржи изобилство на минерали, потоа витамин Ц и витамини од Б групата. Неговата специфична слатко-лута арома потекнува од мешавината на биоактивни состојки меѓу кои најпозната е гингеролот.
Потребни состојки:
- 450 мл филтрирана вода
- 200 г излупен и исечкан ѓумбир
За сирупот:
- 200 г шеќер
- малку мед
- половина лимета
- половина лажичка минерална вода
Начин на приготвување: Водата ставете ја во лонец и оставете ја да проврие, а потоа во неа додајте го ѓумбирот. Намалете го огнот на потивко и варете уште пет минути. Оставете ја смесата да отстои дваесетина минути, па процедете ја. Во посебен сад пригответе сируп: стопете го шеќерот со едно филџанче филтрирана вода и проварете. Измешајте половина филџан од сокот од ѓумбир со 1/3 филџанче сируп и половина филџанче минерална вода. Додадете малку мед и неколку капки сок од лимета.
