Чудното однесување е својствено за паметните деца. Многумина нивното однесување може да ги загрижи, но нема причина за загриженост. Сосема е нормално паметните деца да се издвојуваат од масата и да размислуваат надвор од наметнатите стереотипи. Бидете горди ако вашето дете е такво – мало човече кое многумина не го разбираат. Тоа само покажува дека неговиот ум е зафатен со размислување за се и сешто. Еве што прават паметните деца:
- Само што прозбореле, а веќе изговарат цели реченици;
- Се сеќаваат на настани од рана младост;
- Почнуваат да читаат неверојатно рано;
- Се сеќаваат на нивните соништа додека се многу мали;
- Опсесивно собираат работи или учат за нешто;
- Ги редат своите играчки на многу специфичен начин;
- Имаат многу развиена имагинација.
Како да го поттикнете развојот на интелигенцијата кај децата?
Професорот Џулијан Стенли од Универзитетот Џонс Хопкинс проучувал високо интелигентни деца и го следел нивниот развој во наредните 45 години – нивната кариера, интелектуалниот напредок и така натаму, а подоцна го основал Центарот за талентирани млади луѓе. Едно од тие деца, кои имале одлични резултати на тестовите, била и Камила Бенбоу, која денес е деканка на Универзитетот Вандербилт и која издвоила осум работи кои родителите треба да ги практикуваат за да го поттикнат интелектуалниот развој на своите деца, што е добра подлога за успех во животот.
- Изложувајте ги вашите деца на различни искуства.
- Поддржете ги и емотивно и интелектуално.
- Бидете сигурни дека имаат позитивен и цврст однос со своите наставници.
- Ако детето е особено заинтересирано за некоја тема или хоби, дајте му можност да ги развива своите вештини во таа насока. Подобро фалете го нивниот труд, отколку нивните способности.
- Поттикнете ги децата да поставуваат прашања и да преземаат интелектуални ризици.
- Избегнувајте користење на фрази како „надарен си“ и „многу си интелигентен“.
- Тестирајте ги нивните способности.
