ПОДГОТВЕТЕ ДОМАШЕН ЈАБОЛКОВ ОЦЕТ: Со оваа состојка во оброците нема да имате проблем со варење на храната

Здравјето на цревата влијае на здравјето на целиот организам, па потребно е на нив да се обрне внимание.

Цревата се одговорни и за дигестија или варење на храната, за претворање во енергија и апсорпција на хранливите материи. Кога е во прашање намалување на телесна тежина, повторно е важно да се води грижа за здравјето на цревата. Бројни се начини како тоа може да го направите, но можеби е најпаметно да се коснумираат намирници богати со нутриенти, како овошје и зеленчук. Суплементите како пробиотици, но и влакната се исклучително важни за здрава дигестија.

Кога се зборува за напивки кои ќе го заштитат здравјето на цревата, една од најдобрите е јаболковиот оцет. Зошто е добар, открива нутриционистот Џенифер Ханвеј.

ШТО МОРА ДА ЗНАЕТЕ ЗА КОНСУМИРАЊЕТО ЈАБОЛКОВ ОЦЕТ?

Самото име открива дека јаболките се главната состојка на јаболковиот оцет, тој е производ на ферментација и на крајот добиваме производ кој ни е познат.

“Иако јаболковиот оцет помага при слабеење, тој секако не е магичен пијалок и нема да ги надомести сите важни хранливи материи. Доколку сакате здраво да ослабете, фокусот треба да биде на здрава исхрана и вежбање, а најдобар начин е да следите исхрана која содржи малку јаглехидрати, но многу протеини и овошје и зеленчук“, вели нутриционистот.

Што се однесува до здравствените придобивки, таа наведува дека јаболковиот оцет може да помогне во намалувањето на нивото на шеќер во крвта. “Кога јадете намирници кои се богати со шеќер или рафинирани јаглехидрати, нивото на шеќер во крвта се зголемува. Штом се случи ова, панкреасот произведува хормон инсулин, кој му кажува на телото да ја складира храната како маснотии. Клиничките студии покажаа дека консумирањето на јаболков оцет може во тој случај да биде дел од оброкот што ќе го ублажи тој процес’, објаснува Ханвеј.

  • Како јаболковиот оцет помага при одржување на здравјето на цревата

Кога ќе додадете јаболков оцет во салати или зеленчук, тој ќе помогне во разградувањето и варењето на тешко растворливите влакна, а кога храната лесно се вари тогаш телото многу полесно ќе ги апсорбира сите витамини и минерали од неа. Ханвеј додава дека доколку користите органски оцет, нефилтриран, тој ќе биде потемен поради бактериите кои се создале при ферментација. Иако ова не е клинички докажан пробиотик, консумирањето разновидна ферментирана храна може да биде многу добро за одржување на здравјето на цревата.

Состојки:

  • 3 помали јаболки – оставете ја кората
  • 3 лажици шеќер
  • 800мл филтрирана вода (важно е водата да ги покрие јаболките, па додадете по потреба)

Подготовка: Измијте ги и исечете ги јаболките, па ставете ги во сув сад. Измешајте ги со шеќерот и со водата прелијте ги јаболките. Затворете го садот – може да користите хартиен затворач или газа. Оставете да стои 2-3 недели во остава или темен дел од кујната. Потоа процедете ја течноста и фрлете ги јаболките. Вратете ја течноста во истиот сад и затворете. Вратете го садот каде што стоел (топло и темно место) и оставете уште 4-6 недели. По 4 недели проверете дали ви одговара на вкусот што го сакате, и кога сте сигурни може да го користите.