Според резултатите од една неодамнешна британска студија консумирањето на одделни намирници може да го одложи настапувањето на менопаузата, додека, од друга страна, постојат и намирници кои дури можат и да ја забрзаат нејзината појава. Станува збор за важно откритие со оглед на тоа дека раната менопауза се поврзува и со здравствени ризици како што се зголемен ризик од кардиоваскуларни заболувања, намалена густина на коските и остепороза.
Во споменатата студија учествувале преку 35 000 жени од 35 до 69 години. Учесничките одговарале на прашања кои се однесуваат на нивната исхрана, а предвид се земени и други фактори кои можат да влијаат на доаѓањето на менопаузата, како што се телесната тежина, физичката активност, бројот на бремености и евентуалното земање хормонска терапија.
Омега-3 масните киселини делуваат противвоспалително, додека витамините од зеленчукот и мешунките го неутрализираат штетното дејство на слободните радикали. На овој начин се забавува стареењето, а со самото тоа и настапувањето на менопаузата
Авторите на студијата забележале дека кај жените кои редовно консумираат масна риба (сардини, харинга, скуша, лосос, пастрмка) менопаузата настапила 3 години подоцна отколку кај останатите испитанички. Исхраната богата со свеж зеленчук и мешунки, како и со витамин Б6 и цинк кога се нутритиентите во прашање има исто дејство. Научниците овој ефект го објасниле со фактот дека омега-3 масните киселини делуваат противвоспалително, додека витамините од зеленчукот и мешунките го неутрализираат штетното дејство на слободните радикали. На овој начин се забавува стареењето, а со самото тоа и настапувањето на менопаузата.
Од друга страна, исхраната богата со рафинирани јаглехидрати кои се наоѓаат во производите од бело брашно, бел ориз и храната и пијалаците засладени со бел шеќер доведува до тоа менопаузата да може да порани и за година и пол.
Потребни се, секако, нови истражувања за да се проучат конкретните механизми кои доведуваат до споменатите ефекти кога е во прашање настапувањето на менопаузата.
