Полипите во нос значат сериозни компликации по здравјето

Најчести симптоми кои укажуваат на полипи се силна и нагласена секреција од носот, затнат нос, слевање на секрет во грлото, намалување и губење на чувството за мирис, чувство на тежина во челото и на лицето воопшто, главоболка, болки во пределот на лицето или ‘рчење при спиење.

Полипите во носот или носната полипоза е болест која се јавува кај еден до четири проценти од луѓето. Бројките во последните години покажуваат дека оваа состојба постојано е со тенденција на зголемување. Најчести причинители на носната полипоза се инфекции, алергии, астма, пречувствителност на лекови или имунолошки заболувања. Третманот со лекарства може да ја подобри состојбата, но во најголем број случаи потребно е и хируршко отстранување на полипите. Она што е карактеристично за оваа болест е дека и покрај интервенцијата, доаѓа до повторно појавување на полипите.

Најчести симптоми кои укажуваат на полипи се силна и нагласена секреција од носот, затнат нос, слевање на секрет во грлото, намалување и губење на чувството за мирис, чувство на тежина во челото и на лицето воопшто, главоболка, болки во пределот на лицето или ‘рчење при спиење. 

Носната полипоза може да доведе до сериозни компликации на здравјето бидејќи го оневозможува нормалното дишење на нос и дренажата на секретот од носот и синусите. Потенцијалните компликации вклучуваат тешкотии со дишењето во тек на спиење, астматични напади, гнојни воспаленија на синусите кои поради неможната дренажа лесно се прошируваат кон очите и може да го загрозат видот, па дури и да доведат до воспаление на мозочната обвивка.

Заболувањето се манифестира со појава на бенигни, безболни, меки гроздести формации кои ги исполнуваат носот и параназалните синуси.

Поставувањето на дијагноза за болеста е едноставно и е врз база на симпотмите на пациентот и ендоскопски преглед на носот. Прегледот се извршува во амбулантски услуови, безболен е и трае неколку минути. Доколку е потребно се прават и дополнителни испитувања, како компјутеризирана томографија на синусите, алерголошки тестирања, микробиолошки и лабораториски анализи, риниманометрија и испитување на сетилото за мирис.

Основна цел во лекувањето е да се намалат или по можност да се целосно да се извадат полипите. Терапијата со лекови вообичаено е прв избор. Најчесто се користат назални кортикостероиди во форма на спреј, а понекогаш се спроведува и краткотрајна терапија со орални кортикостероиди. Кога овој третман не дава резултати, се препорачува хируршко отстранување на полипите.