Полно со витамини и минерали: Кивито е совршено есенско овошје

Се препорачува да се консумира киви секојдневно, но не повеќе од 2 затоа што во спротивно може да предизвика алергија.

Кивито го нарекуваат и билка на вечна младост и здравје затоа што содржи многу витамини, минерали и други елементи кои благотворно делуваат на човековиот организам. Во 100 грама киви има и до 300 мг витамин Ц, 174 мг витамин А, а содржи и значителни количества на витамини од Б-групата. Освен тоа има и доста калциум, железо, фосфор, магнезиум и други минерали.

Некои нутриционисти го сметаат кивито за „супер овошка“ затоа што поседува идеална рамнотежа меѓу минималниот број калории и максималното лековито влијание на организмот.

Благодарение на високовредните состојки, ефикасен е и во борбата против респираторните инфекции, а освен тоа го јакне имунитетот, штити од настинка, го регулира крвниот притисок, го намалува ризикот од срцеви болести, мозочен удар, тумор, а помага и против главоболки и стрес. Исто така, го намалува холестеролот, ги неутрализира слободните радикали и ги отстранува токсините од организмот.

Со редовно консумирање на свежо киви се намалува количеството на триглицериди во крвта за 15 отсто, а ова благотворно овошје помага и во зацелувањето на раните, одржувањето на здравјето на коските, забите и непцата, потоа апсорпцијата на железо, а позитивно делува и на системот за варење затоа што ја одржува рамнотежата меѓу корисните и штетните бактерии во цревата.

Заради богатото количество на витамин Ц кое го содржи и овошни киселини, кивито е честа состојка на производите за нега на лице и тело. Ја штити кожата од исушување и ја прави нежна и мека, го регулира лачењето на маснотија, ги стеснува проширените пори и го забавува стареењето.

Се препорачува да се консумира киви секојдневно, но не повеќе од 2 затоа што во спротивно може да предизвика алергија.