Помали, а почести порции се одлично решение во борбата против празните калории

Луѓето често посегаат по грицки доколку не јаделе доволно за време на главниот оброк или се чувствуваат уморно, но и заради стрес, здодевност, тага и некои други неразјаснети емоции

Доколку сте забележале дека често јадете меѓу оброците, тогаш помали а почести порции се идеално решение за вас! Честите оброци ќе ви помогнат да им одолеете на разно-разните слатки искушенија меѓу оброците. На пример, доколку појадокот го поделите на два дела и во вториот дел изедете некое овошје, шака бадеми или јогурт, полесно ќе издржите до ручекот, нема да се изгладните и помала е веројатноста дека ќе имате потреба за разни нездрави меѓуоброци.

Луѓето често посегаат по грицки доколку не јаделе доволно за време на главниот оброк или се чувствуваат уморно, но тоа го прават и заради стрес, здодевност, тага и некои други неразјаснети емоции. Чипсот, крекерите и чоколадото спаѓаат во најчестите грицки. Оваа храна обично носи празни калории – доста масти и шеќери, а малку корисни нутритиенти, и со текот на времето доведува до вишок килограми, гојазност, па дури и заболувања поврзани со прекумерната телесна тежина.