Наглото заладување за повеќето донесе настинка проследена со затнат нос, болки во грлото, кивање, кашлање, зарипнатост… Причината најчесто е што не сме соодветно облечени, а утрата и ноќите се изразено студени за овој период од годината. Немојте веднаш да се свртите кон лекови, туку обидете се настинката да ја излекувате на природни начини кои брзо ќе го подобрат имунитетот и ќе ги прочистат дишните патишта.
Топла домашна телешка или пилешка супа докажано помагаат при настинка, а додека уживате во нивниот вкус, не сте свесни дека ги инхалирате и носните канали. Многу е важно да се користи многу свеж зеленчук, како морков, целер, компир, кромид и лук. Нутриционистите предлагаат да додадете и лист зелка, свежа пиперка и корен од ѓумбир, што ќе ја направи уште поздрава.
Грлото испирајте го неколку пати дневно, со раствор од сода бикарбона или чај од жалфија за да спречите развој на бактерии.
Одењето во сауна и исто така ефикасно решение при настинка која не е предизвикана од вирус. Кога добро ќе се препотите, ќе изсчезне и настинката. Ако не сте љубител на сауна, навечер, пред легнување, ставете ги стапалат во топла купка и додавајте жешка вода се додека можете да издржите. Опуштете се, почекајте треската да исчезне, па легнете си и добро затоплете се.
