Поради негативното влијание на организмот, солта – покрај шеќерот, белото брашно и мастите – е прогласена за една од четирите видови смрт. Освен тоа што кујнската сол го зголемува задржувањето на водата во телото, прекумерната употреба негативно делува и на многу други процеси во организмот: го зголемува ризикот од прекумерна телесна тежина и појава на кардиоваскуларни заболувања.
Меѓутоа, на организмот му се потребни одредени количини сол со цел да функционира беспрекорно. За да се внесат оптималните количини сол без штетни ефекти врз здравјето, важно е да ја знаеме вистинската мерка и добро да ги одбереме намирниците. Имено, иако оваа пресметка збунува треба да се има на ум дека има доволно сол во храната, т.е. дека храната начелно и не треба да се досолува.
Проблемот со несолената храна можно е да се реши со начинот на кој таа се подготвува и со употреба на зачински билки. Суровите и сушени билки не само што го подобруваат вкусот, туку го подобруваат и квалитетот на јадењето. лукот, ѓумбирот, циметот и семето од сончоглед се главни засилувачи на вкусот, па така и најдобра „замена“ за сол во подготвувањето на храна.
Лук – благодарение на карактеристичната и јака арома, лукот е исклучителна замена за солта, а посебно оној во прав, кој нема толку интензивен мирис. Добро се комбинира со сите намирници и им дава специфичен солен вкус со слатки ноти.
Цимет – ова е идеален зачн во пикантните јадења и добро се комбинира со бибер, кари и луто пиперче. Предностите од неговата употреба се, пред се, регулација на нивото на шеќер во крвта и намалување на нивото на холестерол.
Ѓумбир – со својата цитрусна и лутникава арома, ѓумбирот содржи изобилство на минерали кои реагираат со состојките од продуктите што ги внесуваме, овозможувајќи богат вкус. Доколку сакате да го истаканете вистинскиот вкус на намирниците – користете ѓумбир, и употребата на сол ќе биде сосема непотребна.
Семе од сончоглед – само 50 грама од овие семки ги задоволуваат дневните потреби за витамин Е и Б1, а двојно поголема количина обезбедува идеален внес на манган, бакар, магнезиум, фосфор, витамин Б6 и натриум. За замена на сол на јадењата додадете мелено сончогледово семе.
