Се чини, дека за повеќето родители држењето на детето на левата страна е поприродно од држењето на десната страна, а сега тоа го потврдува и едно истражување кое открива што се крие зад тоа.
Една од работите кои често доаѓаат спонтано по породувањето е носење на бебето на левата страна, а тоа го потврдува и неодамнешната студија. Имено, резултатите од истражувањето на Државниот универзитет во Санкт Петербург, покажуваат дека околу 70 до 80 проценти од жените го носат своето бебе на левата страна.
Неверојатно, но носењето на бебето е нешто што започнува долго пред жената да стане мајка. „Склоноста кон тоа е далеку пред мајчинството и се покажува уште во раниот развој. Дури и девојчињата во предучилишна возраст покажуваат избор кон левата страна кога е во прашање носење на кукли и играчки со големина на новороденче“, се вели во студијата.
Зошто левата страна е поприродна?
Истражувачите заклучиле дека мајките ги држат своите бебиња на левата страна поради подобра комуникација, бидејќи информациите од левото визуелно поле се обработуваат во десната хемисфера на мозокот. „Десната хемисфера контролира многу аспекти на социјалното однесување“, објаснува д-р Андреј Гиљов, автор на студијата, додавајќи дека поголемата вклученост на десната хемисфера овозможува оптимална обработка на социјалните информации.
Токму затоа, носењето на бебето на левата страна ви помага подобро да видите и да разберете што прави детето, а способноста за толкување на сигналите кои ги праќа бебето и одговорот на неговите потреби помага во унапредување на зближувањето и поврзувањето.
