Повремениот пост може да ги намали маснотиите во организмот

Ако не сте знаеле дека маснотии на панкреасот постојат, не сте единствени. Дури и медицинските стручњаци останале изненадени откривајќи дека маснотии може да се наталожат и во клетките на панкреасот.

Повремениот пост е се попопуларен во светот, и тоа од повеќе причини. Како што тврдат стручњаците, помага при намалување на вишокот килограми, намалува воспаленија, дури и го регулира нивото на шеќерот во крвта. Освен тоа, нова студија покажала дека со постот може да се намалат и маснотиите на панкреасот.

Ако не сте знаеле дека маснотии на панкреасот постојат, не сте единствени. Дури и медицинските стручњаци останале изненадени откривајќи дека маснотии може да се наталожат и во клетките на панкреасот.

“Таложењето масти надвор од масното ткиво, на пример во црниот дроб, мускулите или дури во коските, негативно влијае на тие органи и на целото тело. Како влијае таложењето на панкреасот, до сега не е познато“, изјавила проф. Анет Шурман, една од авторките на студијата.

Студијата спроведена на Институтот за исхрана во Германија покажала дека глувците со прекумерна тежина и склоност кон дијабетес, имале наталожени масни клетки во панкреасот, додека глувците со прекумерна тежина и без дијабетес, воопшто немале маснотии во панкреасот.

Истражувачите ги поделиле глувците во две групи. На глувците од едната група им било дозволено да јадат колку и кога сакааат, додека од другата им било дозволено да јадат што сакаат, но секој втор ден. Тоа траело пет недели, а резултатите покажале дека глувците од втората група немале маснотии во панкреасот.

“Под одредени генетски услови, таложењето маснотии во панкреасот може да биде клучно при развојот на дијабетес тип 2. Воопшто не треба да се спомене дека постот е практичен, бесплатен и нема нуспојави, а е добар за здравјето“, заклучиле авторите на студијата.