Бременоста со себе носи многу емоции – од среќа, преку тага и загриженост, но и многу желба за храна и вишок килограми. Да се биде позната личност е притисок плус кои жените го чувствуваат за да изгледаат добро за време на бременоста, но и брзо после породувањето да се вратат во форма. Познатите дами многу работат на својата фигура, а спремни се и од многу нешта да се откажат. Ова се само некои од холивудските убавици кои и после породувањето изгледаат фантастично. А ако можат тие, зошто да не можете и вие?!
Џенифер Лопез
Секогаш била една од оние ѕвезди кои се во совршена форма, но постпородилните килограми не ја заобиколија. И требало некое време за да ги „реши“ одвишните килограми, и тоа со помош на лесни прошетки и тренинг на сила. Подоцна почнала да трча по 6 км, да плива и да вози велосипед околу 30 км.
Хали Бери
Актерката во бременоста се здебелила 16 кг, но била одлучна да се врати на старо. Јадела мали оброци на секои неколку часа, одбегнувала газирани пијалаци и пржена храна за шеќерот во крвта да и остане во нормала со оглед на тоа дека боледува од дијабетес. Консумирала домашни супи и риба со зеленчук, како кељ и спанаќ, но и кафеав ориз.
Мараја Кери
По раѓањето на близнаците пејачката симнала преку 30 кг. Слабеела полека и умно за да не и вратат килограмите, па процесот на „симнување“ килограми траел со месеци. Освен што ја коригирала исхраната, секојдневно и по неколку часа вежбала.
Џесика Алба
По раѓањето на ќерката Онор, Џесика имала 15 кг вишок. Со тешка и напорна работа дошла до убиствени стомачни и фигура на која и завидуваат жените. Тренирала секој ден, без исклучок.
Алесандра Амбросио
Мали порции храна, кафеав ориз место бел и многу салата, ова е рецептот на Амбросио со чија помош ослабела по породувањето. Загубила околу 20 кг и тоа само три месеци по породувањето, а мошне брзо се вратила и на пистата.
Риси Витерспун
Актерката како да е се помлада и помлада со годините. Има три деца и секој пат, после секоја бременост ескпресно се враќала во форма. Додуша после третата малку се помачила и морала освен да ја коригира исхраната и да вежба јога, да планинари, да танцува… Открила дека секое утро танцува со децата и дека имаат плејлиста во која уживаат.
Бијонсе
Да се биде мајка на три деца не е лесно, а Бијонсе при тоа изгледа и подобро од кога било. Отркила дека ослабела многу затоа што ги доела децата и апелира до сите мајки да не им го скратуваат тоа заводоволство на своите малечки.
Хајди Клум
После раѓањето на синот Хенри, манекенката се здебелила 16 кг, но сите ги остави без здив кога набрзо прошета по пистата како ангел на „Викторија“. Знаела што сака и се потрудила тоа и да го постигне. Вежбала на машина за веслање, не пиела алкохол, од менито го исфрлила белиот леб, скробните намирници, некои овошја и заситени масти, како и транс мастите. Нејзината исхрана се базирала на брокула, карфиол, лосос, пилешко, јаткасти плодови, печурки, белки, грав и сл.
Ким Кардашијан
После втората бременост ѕвездата на реалните шоуа, Ким Кардашијан ослабела речиси 32 килограма. Открила дека се придржувала до Аткинсонова диета која се базира на контрола на порциите и малку јаглехидрати, а која и помогнала да се ослободи од трудничкото сало. Консумирала и доста здрави масти и влакна.
Џенифер Гарнер
Мајка е на четири деца, а секој пат после бременост изгледа подобро од претходно. Нејзината тајна е во тоа да не седи и да не гледа како нејзините деца си играат и трчаат на игралиште, туку и таа е активна со нив. За 45 минути просечна жена може да согори околу 200 калории играјќи си со децата, а таа ова го сфатила прилично сериозно.
