Маргаринот за кој се смета дека е добра алтернатива за путерот всушност содржи трансмасти кои предизвикуваат смрт кај половина милион луѓе годишно, покажува едно истражување на Светската здравствена организација (СЗО).
Трансмасните киселини се типичен нуспроизвод на (делумното) стврднување (хидрогенизирање) на мастите, а содржани претежно во маргаринот и мастите кои се користат за печење. Тука спаѓаат масните состојки во тестата, филовите, но и маснотијата со која се подмачкуваат калапите и тавите, како и намирниците за чие производството се користени (чипс, лиснато тесто, кекс и готови јадења).
Во меѓувреме е докажано дека трансмасните киселини се фактор ризик за појавата на коронарни болести на срцето (болести кои настануваат како резултат на намален проток на крвта низ срцевите артерии) и ненадејна срцева смрт. Постојат уверливи докази за поврзаноста со други болести, а особено со кардиоваскуларните заболувања.
Како да се препознае кој производ содржи трансмасти?
Ако видите производ на кој пишува „делумно хидрогенизирани масти“, тогаш тоа значи дека содржи трансмасни киселини. Во Австрија во 2009 година се воведени прописи со кои се забранува продажба на производи со количини на трансмасни киселини штетни по здравјето. Тоа значи дека нивниот процент во масти, масла и намирници за чие производство се користени не смее да е поголем од 2 отсто.
