Постои храна која е здрава за мозокот, и тука спаѓаат морковите, бадемите, лешниците, зрнестото овошје и рибата, но има и намирници кои прават повеќе штета од корист! Стручњаците нагласуваат дека за здравјето на мозокот штетни се вештачките засладувачи кои ги има во разно-разните слатки и засладени пијалаци. Тие создаваат ризик од дијабетес тип 2, кој, пак го зголемува ризикот од Алцхајмерова болест.
Храната полна со транс масти, исто така, е нездрава за мозокот, а тука се вбројуваат чипсот, крекерите, масните печива, пуканките од микробранова печка, маргаринот, имитациите на сирења и слично.
Газираните сокови се, исто така, полни со шеќери и негативно влијаат на когнитивните функции на мозокот. Стручњаците наоѓаат врска меѓу храната која содржи глутен, шизофренијата и аутизмот. Рибата треба умерено да се јаде затоа што постојат видови кои се полни со отровна жива на која предупредуваат научниците.
