Според статистичките податоци околу една третина од луѓето страдаат од тегоби со хемороиди, болест која значајно го загрозува квалитетот на живот. Хемороидите се всушност проширени вени во делот на анусот, а може да бидат надворешни и внатрешни. Болка, пецкање, како и крварење за време на празнење на цревата се главни сомптоми на оваа болест која најчесто е предизвикана од неправилна исхрана, долго седење, недоволна физичка активност, но и од консумирање алкохол. Но, хемороидите понекогаш може да бидат поврзани и со болести на црниот дроб, како и со карцином на цревата.
Некои рецепти може да бидат од голема помош во терапијата на ова непријатно заболување.
Меѓу луѓето одамна е познато дека смоквата ги решава проблемите со опстипација, а со самото тоа и тегобите предизвикани од хемороидите. Се препорачува еден месец да се применува следниот рецепт: три до четири суви смокви преку ноќ да се потопат во вода, наутро да се изедат и да се испие водата каде стоеле. Семките во смоквите го стимулираат движењето на цревата и го олеснува нивното празнење. Кога се отстранува притисокот на анусот, хемороидите се повлекуваат.
Во лекување на хемороидите одлични резултати дава и белата ‘рдоква. Се советува една ‘рдоква да се изренда и да се измеша со лажичка мед. Да се консумира наутро на гладно. Од овој зеленчук може да се направи и сок во кој ќе додадете неколку зрна сол и наутро и навечер се пие од него, во количина од 50 мл. Една изблендирана ‘рдоква измешана со млеко е ефикасен мелем со кој ако секојдневно се мачкаат хемороидите, се отстранува отокот и болката.
