Ако сте забележале раничка, пред нанесување на било каков препарат за смирување, потребно е добро да се исчисти местото за таа што побрзо да заздрави и за да од неа ја исчистите целата нечистотија и евентуалните бактерии.
Кокосово масло
Ова масло помага за побрзо зараснување на раните, поради своите антибактериски и противвоспалителни својства, а тоа е докажано со многу студии и испитувања.
- Нанесете го кокосовото масло на раната
- Преврзете со газа или памук
- Повторете ја постапката два до три пати во текот на денот
- За да избегнете појава на рана (доколку станува збор за гребаница) или да да ја залечите, повторувајте ја постапката во период од една недела
Куркума
Оваа билка е природен антисептик и антибиотик која може да помогне во зараснување на раните и на гребаниците. Според резултати од студија објавени во списанието “Молекуларна биологија“, куркуминот од куркумата помага во заздравување на раните, на тој начин што го поттикнува производството на колаген.
- Ако од раната сте забележале слабо крварење, можете куркумата во прав директно да ја нанесете на раната и крварењето веднаш ќе престане
- За најдобар ефект помешајте половина лажичка куркума со малку кокосово масло за да добиете паста. На раната нанесете неколку пати во текот на денот за да се смири болката и да се превенира инфекција
Масло од лаванда
Не само што лавандата може да спречи појава на инфекција, исто така се покажало дека може и да го ублажи чувството на болка.
- Ставете неколку капки од маслото од лаванда на гребаницата или на раната, болката ќе се намали, а ткивото побрзо ќе заздрави
