Прополис – капка здравје

Прополисот како лек од природата се користи со векови, а денес најчесто го употребуваме како прва помош при настинки, херпеси, афти во устата и за некои надворешни рани.

Освен што го зајакнува имунитетот, прополисот како пчелин производ помага и тогаш кога болеста ќе се појави – ги олеснува симптомите на настинка. Станува збор за идеален природен лек кој има антивирусно, антибактериско, портиввоспалително и антитуморско својство. Поради присуството на цинк во себе, овој пчелин производ ја јакне отпорноста на организмот, а се поврзува и со засилената сексуална желба. Лицата кои редовно земаат прополис полесно се носат со стресот. За кои уште состојби е добар прополисот?

Настинка

Променливото време во овој период од годината и покрај високите дневни температури знае да предизвика настинки. Прополисот е тој кој го јакне имунитетот и од дамнина се користи за олеснување на тегобите што ги носи со себе настинката. Пред спиење доволно е да го намачкате делот кај градниот кош со прополис и така да ја смирите кашлицата.

Акни

Овој едноставен, ефикасен и целосно природен третман, исто така, е исклучително делотворен во борба против акните. За успешни резултати потребно е зафатените делови на кожата, неколку пати во текот на денот да ги намачкате со прополис. Сличен ефект се постигнува и со нанесување на мешавина од мед и прополис.

Афти

Прополисот и неговите благодати одлично помагаат и кај афтите во устата. Премачкувајте ги два пати дневно – наутро и навечер. Доколку и после неколку дена не поминуваат, најдобро е да се консултирате со лекар кој можеби ќе ви даде друг тип на терапија.

Првут

Проблемот со првут се јавува кај масната и кај сувата коса. Потребно е да користите благи шампони со билни состојки, а еден од нив е и прополисот. Косата добро и долго мијте ја со топла вода, нежно масирајќи го коренот.

Стрес

Лицата кои редовно внесуваат прополис полесно се носат со стресот. Со оглед дека содржи многу аминокиселини, есенцијални масни киселини (киселини кои му требаат на нашето тело, а не може само да ги произведе) и витамини, ни помага да се бориме со сите негативни последици на стресот со кој се среќаваме секојдневно.

Прополисот ефикасно делува кај чиреви во желудникот, кај изгореници и при убоди од инсекти.

Сексуална енергија

Со векови спортистите го користат прополисот за да го зголемат нивото на енергија и издржливост, а тоа се карактеристики кои се потребни и за добар сексуален живот. Хроничните проблеми со простатата се резултат на насобраните слободни радикали на кислородот во семената течност. Тие предизвикуваат изгореници на одредено ниво, а прополисот тоа непријатно чувство го ублажува и го поттикнува уживањето при сексуалниот однос.