Слабоста на вените (венска инсуфициенција) настанува како последица на отежнато враќање на венската крв од долните кестремитети кон срцето. Симптоми кои укажуваат на нивна лоша функција се болки, грчеви и чувство на тежина во нозете, отекување при подолго стоење и седење. Ако оптоварувањето на слабите вени долго трае, се развиваат проширени вени (варикозни вени).
Проширените вени се почести кај жените и болеста е многу почеста во развиените земји. Тие може да се лекуваат, но најдобро е да се спречат. Еве неколку совети.
- Избегнувајте долго стоење
- Кога сте во можност при седење, подигнете ги нозете на друга столица
- Намлете ја телесната тежина
- Избегнувајте изложување на нозете на зголемена температура( сончање, сауна, капење во жешка вода)
- Бидете доволно физички активни
- Користете хидромасажа на нозете (туширање со ладна и топла вода од стапалата кон препоните)
- Ако веќе имате проширени вени, користете еластични завои или еластични чорапи.
